Роналду мансабындағы 973-голын соғып, «Аль-Наср» чемпион атанды
Криштиану Роналду мансабындағы 973-голын соғып, «Аль-Наср» клубының Сауд Арабиясы Про-лигасында чемпион атануына үлес қосты. Турнирлік кесте қорытындысы.
Сурет: sportsnews.kz
«Аль-Наср» футбол клубы Сауд Арабиясының Про-лигасында чемпион атанды. Команданың шабуылшысы Криштиану Роналду лиганың соңғы, 34-турында «Дамак» қақпасына гол соғып, мансабындағы 973-ші добын тіркеді деп хабарлайды Qazaqtoday.info сайты.
«Дамак» командасына қарсы өткен кездесу 4:1 есебімен «Аль-Наср» командасының жеңісімен аяқталды. Португалиялық футболшы осы ойында екі голдың авторы атанды: ол 63-минутта мансабындағы 972-ші, ал 81-минутта 973-ші голын салды.
Жалпы, Криштиану Роналду Португалия ұлттық құрамасы сапында 143 гол, ал клубтық деңгейде 830 доп соққан.
Сауд Арабиясы чемпионатының қорытындысы бойынша «Аль-Наср» 86 ұпай жинап, бірінші орынды иеленді. Екінші сатыға 84 ұпаймен «Аль-Хиляль» жайғасса, үздік үштікті 81 ұпаймен «Аль-Ахли» түйіндеді. Ал 29 ұпай жинаған «Дамак» клубы 16-орында қалып, төменгі лигаға түсу аймағында қалды.
