Сүйекке қақалу: Ақтауда мерекені табиғат аясында атап өтпек болған мектеп қызметкері көз жұмды

Маңғыстау облысында 10 мамыр күні табиғат аясындағы корпоративтік демалыс кезінде 56 жастағы ер адам көз жұмды, деп хабарлайды QazaqToday.info ақпараттық порталы.

Ақтаудағы мектептердің бірінің ұжымы Жармыш ауылы маңындағы Аралбай сарқырамасына серуенге шыққан. Дастарқан басында ер адам кәуаптың сүйегіне қақалып, оқиға орнында көз жұмған. Оған дер кезінде көмек көрсету мүмкін болмаған.

Mangystautv.kz сайтының мәліметінше, Маңғыстау облыстық полиция департаментінің баспасөз қызметі ер адамның қаза тапқанын растады.

Фото: massaget.kz