Танымал радио журналисі Серғазы Тұрсынбаев өмірден өтті. Бұл туралы QazaqToday.info ақпараттық порталы хабарлайды.
Қаралы хабарды «Қазақ радиосы» ұжымы жеткізді.
«Саналы ғұмырын радиоға арнаған Серғазы Тұрсынбаев өмірден озды.
Серғазы Тұрсынбаев – 1954 жылы Алматыда туған. Москвадағы Гнесиндер атындағы музыкалық-педагогикалық институтты бітірген. Еңбек жолын 1977 жылы Абай атындағы Қазақ ұлттық опера және балет театры оркестрінде бастайды. 1979 жылы Қазақ радиосына орналасып, ұзақ жылдар музыкалық бөлімде еңбек етті. Редактордан бастап бас редакторға дейін көтеріліп, жетекшілік қызметтер атқарды. 2017 жылы зейнетке шықты.
«Қазақ радиолары» ЖШС ұжымы марқұмның жақындарына көңіл айтады», — деп жазылған хабарламада.
