Алматы облысында тағы да жер сілкінді: дүмпу күші 2 балл болды

Алматы облысының Іле ауданында магнитудасы 2-ге тең жер сілкінісі тіркелді, деп хабарлайды Qazaqtoday ақпарат агенттігі.

Сейсмологиялық бақылау және зерттеу ұлттық ғылыми орталығының мәліметінше, жерасты дүмпуі жергілікті уақытпен сағат 22:55-те болған.

Жер сілкінісінің ошағы Алматы қаласынан солтүстік-батысқа қарай 117 шақырым жерде, Қазақстан аумағында орналасқан.

MSK-64 шкаласы бойынша дүмпу күші Алматы облысының Күрті ауылында 2 балл деңгейінде сезілген. Төтенше жағдайлар департаменті зардап шеккендер мен қираған ғимараттар туралы ақпарат түспегенін хабарлады.

Фото: Әлеуметтік желіден