Білім нарығындағы өзгеріс: Солтүстік жастары қайда кетіп жатыр?

Мәжіліс депутаты Асхат Аймағамбетов солтүстік өңірлерден жастардың шетелдік жоғары оқу орындарын таңдауы жиілегенін айтты.

Өскемен, Петропавл, Қостанайдан шыққан талапкерлер көбіне сырттағы университеттерге кетіп жатыр.

Бұл үрдіс енді жаңа бағытқа бет бұрмақ – Қазақстан өз ішінде «білім магнитін» қалыптастыруға кірісті.

Депутаттың айтуынша, басты мақсат – жастарды елде ұстап қалу ғана емес, керісінше сырттан студент тарту.

Яғни Қазақстан білім орталығына айналуды көздеп отыр.

Бұл үшін шетелдік университеттердің филиалдары мен отандық ЖОО-лар бірлесіп жұмыс істеуі тиіс.

Сонымен қатар, еліміздегі университеттердің әлеуеті де жоғары екені атап өтілді.

Шетелдік оқытушылар келіп, жергілікті кадрларға тәжірибе берсе, жүйе одан әрі күшейеді.

Жаңа халықаралық бағдарламалар мен аккредитациялар енгізу де маңызды қадамдардың бірі.

Аймағамбетов бұл бағытта нақты таңдау емес, кешенді саясат қажет екенін жеткізді.