ШҚО әкімінің бірінші орынбасары Жақсылық Омарға екі бап бойынша айып тағылды
Фото: Жақсылық Омардың жеке архивінен
Шығыс Қазақстан облысы әкімінің бірінші орынбасары Жақсылық Омардың соты басталады. Бұл туралы QazaqToday.info ақпараттық порталы хабарлайды.
Бүгін Өскемен қаласының қылмыстық істер жөніндегі ауданаралық сотында Шығыс Қазақстан облысы әкімінің бірінші орынбасары Жақсылық Омарға қатысты сот процесі басталады. Бұл туралы сот кабинетіндегі құжатта жария етілді.
— Жақсылық Омарға ҚР Қылмыстық кодексінің 190-бабы 3-бөлігінің 1, 2-тармақтары (ірі мөлшердегі алаяқтық) және 366-бабы 3-бөлігінің 3-тармағы (ірі мөлшерде пара алу) бойынша қылмыстық құқық бұзушылық жасады деген айыптар тағылып отыр, — делінген құжатта.
