Magnum-дағы баға «ауада өзгеріп жатыр»: бірдей салмақтағы өнім әр таразыда әртүрлі шыға ма?
Фото: magnum.kz
Magnum дүкенінде бағаға қатысты түсініксіз жағдай байқалды. Видеода бірдей салмақтағы болгар бұрышы әртүрлі таразыға қойылған кезде бағасы әрқалай шығатыны көрінеді. Яғни бір өнімнің салмағы бірдей болғанымен, төлем сомасы әр таразыда әртүрлі көрсетіледі. Бұл туралы QazaqToday.info ақпараттық порталы хабарлайды.
Тұтынушылар үшін бағаның ашық әрі нақты болуы аса маңызды. Ал бір тауардың бір салмақта әртүрлі баға көрсетуі – техникалық қате ме, әлде жүйелік мәселе ме деген сұрақ туғызады. Мұндай жағдай сатып алушылардың сеніміне селкеу түсіретіні анық.
Егер шынымен таразылар әртүрлі баға шығаратын болса, бұл – қарапайым тұтынушы үшін үлкен мәселе. Сондықтан мұндай жағдайға дүкен басшылығы нақты түсініктеме беруі тиіс.
