Дубайда өртенген үйлер арасында қазақстандықтардың мүлкі бар ма?
Фото: видеодан скрин
Үкімет отырысынан кейін өткен брифингте Сыртқы істер министрінің орынбасары Әлібек Бақаев Дубайдағы өртке қатысты сауалға жауап берді. Бұл туралы QazaqToday.info ақпараттық порталы хабарлайды.
Журналистер «өртенген тұрғын үйлердің арасында қазақстандықтардың баспанасы бар ма?» деген сұрақ қойды. Вице-министрдің айтуынша, қазіргі уақытта қазақстандық азаматтардың мүлкі зардап шекті деген ресми дерек тіркелмеген. Дегенмен мәселе бақылауда тұр.
«Ондай ақпарат бізге түскен жоқ. Жағдайды бақылауда ұстаймыз», – деді ол.
Айта кетейік, Дубайдағы бірнеше тұрғын үй кешенінде болған өрт халықаралық деңгейде талқылануда. Қазақстан тарапы жағдайды дипломатиялық арналар арқылы қадағалап отыр.
