Атырау облысында бүтін бір отбасын өлтірді деген күдікке ілінген ер адам Индонезияда ұсталды. Халықаралық іздеуде болған күдіктінің жанынан бұрын хабар-ошарсыз кеткен деп танылған бұрынғы әйелі де табылды, деп хабарлайды Qazaqtoday ақпарат агенттігі.
Құқық қорғау органдарының мәліметінше, арнайы операция Индонезия Республикасының Ломбок аралындағы Сеннару ауылында өткен. Күдікті Қазақстан Республикасы Қылмыстық кодексінің 99-бабы 2-бөлігі, яғни «Аса қатыгездікпен кісі өлтіру» бойынша айыпталып отыр. Бұл – аса ауыр қылмыстар санатына жатады.
Тергеу барысында тағы бір маңызды жайт анықталды. Күдіктімен бірге оның бұрын хабар-ошарсыз кеткен ретінде іздеуде болған бұрынғы әйелі де болған. Қазіргі уақытта екі азаматты да Қазақстанға экстрадициялау мәселесі қарастырылып жатыр.
Фото: Әлеуметтік желіден
