«Отымды өшірмеймін»: 60 жасқа толған Ұлықпан Жолдасов өзгеше қылық шығарды (ВИДЕО)
Фото: qazaqtoday.info
Белгілі сазгер Ұлықпан Жолдасов 60 жасқа толып, мерейтойын жұмыс орнында әріптестері мен жақын достарының ортасында атап өтті. Құттықтауға келгендер оған арнайы торт әкеліп, ақжарма тілектерін білдірген, деп жазады QazaqToday.info ақпараттық порталы.
Алайда мерекелік сәт барысында сазгер торттағы шырақты үрлеп өшіруден бас тартты. Ол жиналғандарға отты үрлеуге болмайтынын бірнеше рет ескерткен. Соған қарамастан, құттықтаушылардың бірі шырақты тым болмаса қолмен өшіруді ұсынған. Нәтижесінде Ұлықпан Жолдасов амалсыздан шырақты қолмен сөндірген. Бұл көрініс желіде тараған бейнежазбадан байқалады.
Сазгердің бұл әрекеті әлеуметтік желіде қызу талқыланып, көпшіліктің түрлі пікірін тудырды. Кей қолданушылар: «60 жасқа торттың қажеті қанша, одан да шапан жауып, құрмет көрсетіп, әнін шырқатса жарасар еді», «Отты үрлеп өшірмегені дұрыс, бұл – мәдениетті қадам» деп жазды.
