Қысқы Олимпиада: Надежда Морозова үздік 15 спортшының қатарына енді

Фото: Сали Сабиров / Қазақстан ҰОК баспасөз қызметі

Италияда өтіп жатқан 2026 жылғы Олимпиада ойындарында конькимен жүгіру жарыстарына Қазақстан ұлттық құрамасының өкілдері қатысты, деп хабарлайды QazaqToday.info ақпараттық порталы  Қазақстан Ұлттық Олимпиадалық комитетіне сілтеме жасап.

9 ақпанда әйелдер арасында 1000 метр қашықтықта медальдар сарапқа салынды. Бұл сайысқа Қазақстан атынан үш спортшы қатысты.

Отандастарымыздың ішінде ең үздік нәтиже көрсеткен — Надежда Морозова. Ол 1:16.00 уақытта мәреге жетіп, жалпы есепте 14-орынға тұрақтады.

Елизавета Голубева 1:16.40 уақытта мәреге жетіп, 19-орынға ие болды. Ал Кристина Силаева 1:17.57 уақытта мәреге жетіп, 28-орынға жайғасты.

Нидерланд спортшысы Ютта Лердам Олимпиада рекордын жаңартып, алтын медаль жеңіп алды — 1:12.31. Күміс жүлде Фемке Кокқа (Нидерланд) бұйырды — 1:12.59. Қола медальді жапониялық Михо Такаги иеленді — 1:13.95.