Астанада 30 градус аяз: Мектеп оқушылары мен студенттер онлайн оқуға көшті
Астанада ауа райының қолайсыздығына байланысты 16 қаңтарда мектептер мен колледждердің бірінші ауысым оқушылары қашықтан оқуға көшірілді.
Астанада ауа райының күрт нашарлауына байланысты 16 қаңтарда мектеп оқушылары мен колледж студенттері қашықтан оқыту форматына көшірілді, деп хабарлайды Qazaqtoday ақпарат агенттігі.
Бұл шешімді елорданың Білім басқармасы қабылдады. Мекеменің ресми хабарламасында бірінші ауысымда оқитындардың барлығы сабақты үйден оқитыны көрсетілген.
«Ауа райының нашарлауына байланысты 16 қаңтарда бірінші ауысымдағы 0-11 (12) сынып оқушылары мен колледждердің 1-2 курс студенттері (тоғызыншы сынып негізінде) қашықтан оқыту форматына көшеді», – делінген басқарма хабарламасында.
«Қазгидромет» РМК болжамы бойынша, сейсенбі күні Астанада желдің жылдамдығы секундына 9-14 метрге жетеді. Түнде ауа температурасы -30 градусқа дейін төмендесе, күндіз -23 градус аяз болады деп күтілуде.
Фото: Әлеуметтік желіден
