Тариф тағы өсуі мүмкін: жарық қымбаттайды

Фото: gov.kz

Қазақстанда электр энергиясының бағасы 4–5%-ға қымбаттауы мүмкін. Бұл туралы Энергетика вице-министрі Сұңғат Есімханов мәлімдеді. Бұл туралы QazaqToday.info ақпараттық порталы хабарлайды.

Оның айтуынша, 2025 жылдың екінші жартысында газ бағасының өсуі салдарынан газбен жұмыс істейтін электр станцияларында қарыз жиналған. Енді сол қарыздарды өтеу тариф арқылы жабылмақ.

Вице-министрдің сөзінше, энергия компанияларының негізгі шығыны отыннан емес, жөндеу жұмыстары мен қызметкерлердің жалақысынан құралады. Қазір тарифті өзгертуге қатысты өтінімдер қаралып жатыр.

Алдын ала болжам бойынша, өсім аса үлкен болмайды – орта есеппен 4–5% шамасында. Қарыздар қызмет түрлеріне қарай бөлінеді, себебі кейбір компаниялар бір мезетте жарықпен қатар жылу және су да береді.

Жаңа тарифтер алдағы бірнеше ай ішінде күшіне енуі мүмкін.