Шоу-бизнес 15 қыркүйек · 1 мин оқу

«Өзінен 5 жасқа кіші»: Әнші Кеңес Әлімжан шаңырақ көтерді (ВИДЕО)

Фото: видеодан скрин

Танымал хит әндердің орындаушысы Кеңес Әлімжан шаңырақ көтерді, деп хабарлайды Qazaq Today ақпарат порталы.

Өнер иесінің қыз ұзатудағы видеосы әлеуметтік желіге тарады.

Халыққа кеңінен тараған “Өз жүрегіңнен ұялмайсың ба?”, “Бозторғай ана” әнінің авторы Кеңес Әлімжан Зарина есімді аруды қолына қондырды.

Желі қолданушылардың сөзіне сенсек, қалыңдық әншіден бес жасқа кіші көрінеді.

“Қонаев қаласы, Шеңгелді ауылы, Суан елінен Зарина деген қызымызды алып жатыр. Жастар бақытты болсын! 16 қыркүйек үйлену тойы”, “Басыңды төрге сүйрейтін жар болсын!”, “Қашан кімге үйленеді екен деп жүр едік, құтты болсын”, “Жол апатына түсті деп жатыр еді, аман-есен болсын”, “Келіншегі әдемі екен”, “Менің жақсы көретін әншім”, “Даусы ерекше әнші”, “Қызымыздың жасы 26-да, 5 жас кіші жігіттен” – деп жазды көпшілік.