Шерзат Полаттың үйінің өртенуіне қатысты жаңа деректер мәлім болды

Фото: Александр Павский/ Kazinform

Бас прокурордың орынбасары Ғалымжан Қойгелдиев Шерзат Полаттың үйін өртеген күдіктілердің неліктен әлі күнге анықталмағанын айтты, деп хабарлайды Qazaq Today ақпарат порталы.

Бас прокурордың орынбасары Ғалымжан Қойгелдиев Шерзат Полаттың үйінің өртенуіне қатысты тергеудің жаңа мәліметтерін айтты.

— Бұл іс бойынша сотқа дейінгі тергеу әлі жалғасып жатыр. Кең ауқымды сараптамалар жасалды. Бұл сараптамалардың белгілі бір нәтижелері бар. Біз Ресей Федерациясына халықаралық тергеу бұйрығын жібердік. Спутник арқылы сол маңда қандай автокөліктер тұрғанын анықтағымыз келеді, — деді Ғ.Қойгелдиев Сенатта тілшілер сұрағына жауап бере отырып.