«30 жыл далаға кетті»: Мұхтар Мағауин Назарбаевтың саясат жайлы не деді

Халық жазушысы Мұхтар Мағауин журналист Жанар Байсемізге берген сұхбатында Нұрсұлтан Назарбаевтың кезіндегі саясат жайлы айтты, деп хабарлайды Qazaq Today ақпарат порталы. 

«Алдағы уақытта бірте-бірте барлығы жақсы болады деп ойлаймын. Сырттан келген қазақтарға алдымен тоқтау болды. Арнайы жазуға уақыт болмай жүр. Осыған дейін де талай айттық. Назарбаевтың үкіметі, қойған адамдары талай адамды жексұрын қылды. «Келе беріңдер» дейді де, жүз түрлі бөгет ойлап тапты. Құжатын ала алмай жылдап жүреді. Болмайтын, қисыны жоқ құжат сұрады. Қытайдан сотталмаған жайлы құжат сұрады. Қытайда ондай бермейді. Осының барлығы қазақты келтірмеу үшін Назарбаевтың ойлап тапқаны. Қазақ көбеймеу керек, көтерсе, кеудесін көтеруі мүмкін», — дейді ол.

Мұхтар Мағауин 80 жастан кейін саясат туралы айтпаймын деп сөз берген. Бірақ бұл мүмкін емес деді.

«Кезінде де бірқатар айттық. Назарбаевтың үкіметі – қазақты құрту деп айттық. Есікті ашып қойды, ол ашық тұрса, ит те, мысық та кіреді. Толып жатқан діндердің консепциясы пайда болды. 30 жыл далаға кетті. Қазақ жағаласып отырып көбейді», — дейді ол.