«Махаббатым менің»: Баян Мақсатқызы екінші қызының америкалық дипломын көрсетті (ФОТО)

Қазақстандық актриса әрі продюсер Баян Алагөзова Instagram-дағы оқырмандарына екінші қызы Айару Бақытбектің жоғары білім туралы америкалық дипломын көрсетті, деп хабарлайды Qazaq.today ақпарат порталы.

Былтыр жыл соңында 21 жастағы Айару Бақытбек қуанышты жаңалығын бөлісті. Ол қорытынды емтихандарын тапсырып, АҚШ-тағы университетті сәтті аяқтағанын айтқан. Күні кеше Баян Мақсатқызы әлеуметтік желідегі 4 миллиондық аудиториясына Айарудың Лоң-Бичтегі Калифорния мемлекеттік университетінен алған дипломын көрсетті.

«Айарудың жоғары білім туралы дипломы. Махаббатым! Мақтанышым менің! Бақытым менің!» – деп жазды Баян қызына.

Сондай-ақ Баян Мақсатқызы Айарудың бала күнгі фотосын жариялап, оның үшінші қызы Алисаға ұқсайтынын атап өтті. Айта кетейік, Баян Мақсатқызы былтыр қатарынан екі сәби сүйген еді, актриса кенже қыздарын әзірге оқырмандарына көрсеткен жоқ.

«Алисадан айнымайды, бір-біріне қатты ұқсайды», — деп жазды Баян.

Фото: instagram.com/bayanmaxatkyzy