Қасым-Жомарт Тоқаевтың сирек фотосы жарияланды

Белгілі қытайтанушы Иван Зуенко Қазақстан Президенті Қасым-Жомарт Тоқаевтың тағы бір сирек кездестірілетін суретін жариялады.

«Нағыз қазына» – сирек сурет туралы деректер

Иван Зуенко өзінің Telegram-арнасында Қасым-Жомарт Тоқаевтың 1983-1984 оқу жылында Пекин лингвистикалық институтында білім алған кезіндегі тобымен түскен суретін бөлісті.

«Суретте бірінші қатардың оң жағында – Ресейдің Қытайдағы елшісі Игорь Владимирович Моргулов. Екінші қатарда, екінші орында – Қасым-Жомарт Кемелұлы Тоқаев, қазіргі Қазақстан Президенті. Оның қасында Антонина Федоровна Котова, сол уақытта ММУ-дың Азия және Африка елдері институтының тарихи-филологиялық факультетінің деканы болған», – деп жазды Зуенко.

Зерттеуші бұл фотосуретті «атмосфералық және ерекше тарихи маңызы бар» деп сипаттады. «Топтың гендерлік және жас ерекшеліктерінен бастап, оқу аудиториясының ахуалына дейін – бәрі ерекше. Нағыз қазына!» – деді ол.

Тоқаевтың еңбек жолынан мәліметтер

Қасым-Жомарт Тоқаев 1983-1984 жылдары Пекин лингвистикалық институтында стажировкадан өткен. Ол кезде бірінші топ стажерлардың старостасы болған. 1984-1985 жылдары Тоқаев КСРО Сыртқы істер министрлігінің орталық аппаратында қызмет атқарып, кейін Қытайдағы КСРО елшілігіне жіберілген.

Зуенконың айтуынша, Қасым-Жомарт Тоқаевтың Қытаймен байланысты қызметі 1975 жылдан басталады. Ол Сингапурдағы кеңестік елшілікте жұмыс істеп, 1991 жылға дейін Қытайдағы елшілік қызметтерде түрлі лауазымдар атқарған.

Иван Зуенко туралы

Иван Зуенко – Мәскеу халықаралық қатынастар мемлекеттік институтының (МГИМО) Халықаралық зерттеулер институтының аға ғылыми қызметкері, шығыстану кафедрасының доценті және тарих ғылымдарының кандидаты.