Өзбекстанда көлікке таудан алып тас құлап кетіп, үш адам қаза тапты

Оқиға Ташкент-Термез тасжолында болған. Өзбекстанда үлкен тас таудан құлап, жол бойында келе жатқан көлікті басып қалды. Оқиға салдарынан көлікте болған үш адам қаза тапты, деп хабарлайды Qazaq Today ақпарат порталы Gazeta.uz басылымына сілтеме жасап.

Өзбекстанның Қашқадария облысы жол полициясы басқармасы баспасөз қызметінің хабарлауынша, қайғылы оқиға жергілікті уақыт бойынша шамамен сағат 16:00-де Ташкент – Термез тасжолында болған. Үш адам да оқиға орнында көз жұмды.

Басылым мәліметінше, оқиғаға байланысты жолдағы көлік қозғалысы уақытша тоқтатылды.