Қайрат Нұртас жұбайы Жұлдыз үшін Атырауға ұшып барды

Фото: Instagram/kair_n

Белгілі қазақстандық әнші Қайрат Нұртас өзінің жұбайы, актриса Жұлдыз Әбдікәрімованы қолдау үшін Атырауға ұшып келді,деп хабарлайды Qazaq.today ақпарат порталы.

Бейне Қайраттың Instagram парақшасында жарияланды. Ол өзі үлкен раушан гүл шоғын таңдап, Жұлдыздың драмалық қойылымын көру үшін театрға барды.

Спектакль барысында Нұртас сахнада болып жатқан оқиғаларды мұқият қадағалап, қойылым аяқталғаннан кейін сахнаға шығып, жұбайына көрермендердің қошеметіне бөленген гүл шоқтарын табыстады.

«Бәрі жақсы өтті! Сәттілік тілеймін», — деп бөлісті ол спектакльден алған әсерімен.