Назарбаевты күзеткен генерал Назым Қызайбайды ерекше марапаттады
Фото: Olympic.kz
Бокстан Париж Олимпиадасының қола жүлдегері Назым Қызайбай ерекше марапатқа ие болды. Спортшыны Дінмұхамед Қонаевтың және Нұрсұлтан Назарбаевтың жеке күзетін басқарған, Ұлттық Қауіпсіздік комитетінің төрағасы болған генерал-лейтенант Амангелді Шабдарбаев марапаттады, деп хабарлайды Qazaq Today ақпарат порталы.
«Біздің қызымыз, жерлесіміз, Олимпиададан қола медаль алып келіп отыр. Арнайы Дінмұхамед Қонаевтың орденін жасадық. Соны қымызыдың кеудесіне тағып отырмыз», — деді Амангелді Шабдарбаев.
Айта кетейік, 50 келі салмақта сынға түскен Қызайбай жартылай финалда бокстан әлем және Азия ойындарының чемпионы, қытайлық Ву Юден жеңілді.
Осылайша, Назым Қызайбай өз мансабында тұңғыш рет Олимпиада ойындарында қола жүлдегер атанды. Бұған дейін ол әлемнің екі дүркін чемпионы атанған болатын.
