Алматы облысында көпір қирап жатыр: тұрғындар әкімдіктен жөндеуді талап етті

Фото: видеодан скрин
Алматы облысы Талғар ауданына қарасты Панфилов ауылдық округінде тұрғындар Үлкен Алматы каналының үстінен өтетін жаяу жүргіншілер көпірінің жағдайына шағымданды, деп хабарлайды Qazaqtoday.info сайты.

Олардың айтуынша, көпірдің бетоны үгітіліп, бұрын орнатылған қоршаулары жоғалған. Әлеуметтік желіде тараған видеодан көпірдің кейбір тұстары бұзылып, темір арматуралары ашық қалғанын көруге болады. Тұрғындар қауіпті өткелді жөндеп, адамдардың қауіпсіздігін қамтамасыз етуді талап етіп отыр. Алматы облысының әкімдігі көпірді жөндеу биылғы қазан айына жоспарланғанын және қажетті қоршаулар сатып алынғанын хабарлады. Алайда шенеуніктер жөндеу жұмыстары облыстық жол жаңартылған кезде жүргізілетінін айтып отыр.

Видео: @halyqpress.kz