«Яхта 60 секундта ғайып болды»: британдық миллионер мен оның 18 жастағы қызы суға батты

Фото: ВВС

19 тамызға қараған түні таңғы сағат 4 шамасында дауыл соғып, Bayesian яхтасы суға батып кетті, деп хабарлайды Qazaq.today ақпарат порталы Azattyq Rýhy сайтына сілтеме жасап.

Яхта Италияның Палермо қаласына жақын жерде, жағалау маңында тоқтап тұрған. Оқыс оқиға жағалаудағы вилланың бейнекамерасына түсіп қалған.

«Британдық Билл Гейтс» атанып кеткен миллионер Майк Линчке тиесілі кеме бір минуттың ішінде суға батып, 49 метр тереңдікке барып тірелген. Экипаж мүшелері, яхтада болған жандар – түгел суға батып кетті.

Бортта барлығы 22 адам болған. Оның 15-і құтқарылды. 1 адам өлі күйде табылды. Қалған 6 адамның денесі анықталған жоқ. Олардың арасында Линчтің өзі, оның 18 жасар қызы Ханна және серіктестер-достары бар. Құтқарушылар іздеу жұмыстарын жалғастырып жатыр.

Morgan Stanley International банкінің басқарма төрағасы Джонатан Блумер, оның жұбайы Джуди, Clifford Chance заңгері Крис Морвилло және яхта аспазшысы да хабар-ошарсыз кеткендердің қатарында.