Жапония премьер-министрі қызметінен кетеді

Жапония премьер-министрі Фумио Кишида қыркүйекте өтетін партияішілік сайлауда билеуші либералды-демократиялық партияның басшылығына өз кандидатурасын ұсынбайтынын ресми айтты, деп хабарлайды Qazaq Today ақпарат порталы.

Сәрсенбі күні өткен баспасөз мәслихатында Фумио Кишида алдағы сайлауда билеуші либералды-демократиялық партияда өзгеріс болатынын айтты.

Кишида 2021 жылы билеуші либерал-демократиялық партияның төрағасы болып сайланды, оның үш жылдық мерзімі қыркүйекте аяқталады. Оның шешімі партиялық дауыс беруде жеңіске жеткен жаңа көшбасшы оның орнына премьер-министр болады дегенді білдіреді.

Қазіргі премьер-министр жаңа көшбасшының пайда болуы партияның жақсы жаққа өзгеріп жатқанын көрсетуі керек екенін жеткізді.