Қостанай облысының бас имамы қызметінен босатылды — ҚМДБ
Қамауға алынған Қостанай облысының бас имамы Бақытбек Тәжімбетке қатысты Қазақстан мұсылмандары діни басқармасы мәлімдеме жасады, деп хабарлайды Qazaq Today ақпарат порталы.
ҚМДБ таратқан ақпаратта діни басқарманың қызмет жүйесінде заң нормаларын және дін қызметкері этикасын өрескел бұзатын жеке тұлғалардың діни салада жұмыс істеуіне моральдық тұрғыдан құқығы жоқ екені айтылады.
«ҚМДБ дін қызметкеріне лайықсыз әрекет жасаған Бақытбек Тәжімбетті Қостанай облысының бас имамы қызметінен босатты. Қазақстан мұсылмандары діни басқармасы болған оқиғаны үлкен өкінішпен қабылдап, еліміздегі мұсылман жамағатынан кешірім сұрайды», — делінген хабарламада.
Фото: ашық дереккөз
