Төреғали Төреәлі имиджін түбегейлі өзгертті

Қазақстандық 31 жастағы әнші Төреғали Төреәлі көше музыкантына айналды, деп хабарлайды Qazaq Today ақпарат агенттігі.

Әртіс ерекше эксперимент жасап, оны әлеуметтік желіде жариялады.

Видеоның астында бүгін туған күнін атап өтіп жатқан Мұхтар Шахановтың өлеңінен үзінді келтірілген.

«Мәңгі лаулап жану үшін ғаламда,

Үлкен бақыт табу үшін ғаламда,

Үлкен болып қалу үшін ғаламда,

Үлкен арман керек екен адамға», — деп жазған әнші.

Кадрда сақал қойған ер адамның қолына гитарасын ұстап ән айтып тұрғанын көруге болады. Бірақ әншінің дауысын өтіп бара жатқан адамдар бірден таныған секілді. Соңында Төреғали бас киімі мен сақалын шешіп, көпшілікке алғысын жеткізді.

Фото: instagram.com/toregalitoreali