Түркістанда күйеуіне ренжіп, екі баласын тұншықтырып өлтірген ана сотталды
Бауыр еті балаларын ажал құштырған Бота Хамитқызы 15 жылға бас бостандығынан айырылды, деп жазады Qazaq.today сайты.
Соттың соңғы отырысына балалардың әкесі келмеді.
Еске сала кетейік, Қызылорда облысы Шиелі ауданындағы мектептердің бірінде бастауыш сыныптың мұғалімі болып істеген 31 жастағы келіншек 7 ақпан күні күйеуіне ренжіп, Түркістан қаласына келеді.
Қаладан пәтер жалдап, өзінің туған күнінде 3 және 4 жастағы балаларын жастықпен кезек-кезек тұншықтырып өлтіріп, қашып кеткен. Қылмысқа барғанын құрбысына телефонмен айтқан.
Әйел екінші күн дегенде Шымкенттегі қонақ үйлердің бірінен ұсталды.
Психиатриялық сараптама қорытындысы бойынша әйелдің ақыл-есінің дұрыстығы белгілі болды.
Осылайша, алқабилердің шешімі бойынша Бота Хамитқызы 15 жылға сотталды.
