Жаңадан құрылған Алатау қаласының әкімі тағайындалды

Жаңа Алатау қаласының әкімі болып Аркен Өтенов тағайындалды. Бұған дейін ол Қазақстан Республикасы Стратегиялық жоспарлау және реформалар агенттігі төрағасының орынбасары қызметін атқарған.

Аркен Өтенов 1983 жылы 15 қарашада Алматы қаласында дүниеге келген. Әркен Өтенов Әл-Фараби атындағы Қазақ ұлттық университеті, және Карнеги Меллон университетінде (Болашақ бағдарламасының түлегі, 2010 ж.) білім алған.
Ол халықаралық қатынастар маманы, экономист және мемлекеттік саясат саласындағы ғылым магистрі, Президенттің жас таланттар пулының мүшесі.

Аркен Өтенов еліміздің банк секторында, сондай-ақ мемлекеттік органдарда түрлі лауазымдарда, соның ішінде Қазақстан Республикасы Президентінің Әкімшілігі мен Қазақстан Республикасы Қаржы министрлігінде, Сыртқы істер министрлігінде тәжірбиелі жұмыс атқарған.