«Судья рұқсат берді»: Бишімбаевтың адвокаттары іске ресейлік эксперттерді араластырмақ

Фото: видеодан кадр

Қуандық Бишімбаевтың адвокаты Ресей ұлттық медицина университеті мен Ресей Федерациясы денсаулық сақтау министрлігінің сарапшыларының көмегіне жүгінген, деп хабарлайды Qazaq Today ақпарат агенттігі.

Адвокат Назкен Құсайынова сот отырысында Ресей ұлттық медицина университеті мен Ресей Федерациясы денсаулық сақтау министрлігінің сараптамасын қайта қарап, қылмыстық іске қосуды сұрады. Сондай-ақ ZOOM және WhatsApp арқылы сарапшыларға сұрақ қоюға болатынын айтты, деп жазады El.kz.

Ал судья Айжан Құлбаева ресейлік сарапшылардың қорытындысын зерттеуге рұқсат берді.

Ол Қуандық Бишімбаевтың қылмыстық іс материалдарына Ресей Федерациясының сараптамалық қорытындысын қосу бөлігінде адвокаттардың өтініші қанағаттандырылғанын хабарлады. Судья ҚР ҚК 362-бабына сәйкес «тараптар материалдарды қылмыстық істерге қосу туралы өтініш жасауға құқылы» деп түсіндірді.