Қызылордада 9-сынып оқушысы 6 жасар баланы зорлаған: полиция ақпаратты растады
Қызылорда облысында жасөспірім қамауға алынды, деп хабарлайды Qazaq.today агенттігі.
Қалалық полиция басқармасы 16 жастағы жасөспірімнің 6 жастағы баланы зорлау дерегін растап, оқушының қамауға алынғанын мәлімдеді. Қызылорда қалалық полиция басқармасының бастығы Айдар Қасановтың хабарлауынша, қылмыстық іс 10 ақпанда қозғалған.
«Аталған дерек бойынша қылмыстық іс қозғалып, тергеп-тексеру жүргізіліп жатыр. Қылмыстық іс бойынша күдікті ұсталып, басқарманың уақытша ұстау изоляторына қамалды. Қылмыстың істің тергеу барысы Департамент бастығының қатаң бақылауына алынды. Өзге де ақпараттар тергеу құпиялығына байланысты жария етілмейді», – деді. А. Қасанов.
БАҚ мәліметінше, қазіргі кезде жәбір көрген бала ауруханада ем алып жатыр.
