Ақтөбеде ауылдасының мәйітін зиратқа апара жатқан зейнеткер кенеттен көз жұмды
Ақтөбе облысында зейнеткер ауылдасының мәйітін зиратқа апарып бара жатқанда, жолда апатқа ұшырап қайтыс болды. Қайғылы оқиға 1 қазан күні Мәртөк ауданында, Қаратоғай ауылының маңында болған. 75 жастағы «Газель» жүргізушісі жол бермей, жүк тиеген көлікпен соқтығысты, — деп хабарлайды КТК телеарнасы.
Көп тонналық көліктің соққысы Газель жүргізушісін қағып кеткен. Ауылдасының мәйітін жерлеу үшін алып бара жатқан егде жастағы жүргізуші оқиға орнында көз жұмды. Оның жанында тағы бес адам болған. Олардың барлығы ауыр жарақат алып, ауруханаға жатқызылды.
Алдын ала болжам бойынша, адам өліміне әкелген жол апатына «Газель» көлігін тізгіндеген зейнеткер себеп болған.
«Газель» көлігінің 75 жастағы жүргізушісі қосалқы жолдан шығып келе жатып, негізгі жолдың бойымен келе жатқан көлікке көнбей, Беларусь Республикасының азаматы басқарған Scania көлігімен соқтығысты», — деді Ақтөбе облысының полиция департаменті жергілікті полиция қызметі бастығының орынбасары Артур Әбдірешев.
