Алматы облысында 10 жастағы бала жүк көлігіне соғылып қайтыс болды
Алматы облысының Іле ауданында картингте 10 жастағы бала қаза болды, — деп хабарлайды qazaq.today ақпараттық агенттігі. Алматы облысы ПД баспасөз қызметінің хабарына қарағанда, бала картингті жүргізіп келе жатып жүк көлігіне соғылған. Ол алдымен пластмассадан жасалған қоршау блоктарын бұзып өтіп, сол жерде тұрған ГАЗ-53 су тасығышымен соқтығысқан.
«Куәгерлердің айтуынша, картинг әйел басқарған басқа картингтің соққысынан инерция арқылы қоршаудан шығып кеткен», — деді полицейлер.
Оқиға орнында Іле аудандық полициясының жедел тергеу тобы жұмыс істеп жатыр. Тәртіп сақшылары қайғылы оқиғаның мән-жайын анықтап жатыр.
