Еліміздегі бүкіл спорт алаңдарына тексеріс жүргізіледі
10 жасар баланың мектеп ауласында қайтыс болу фактісі бойынша сотқа дейінгі тергеу басталды, қайғылы жағдайға жауаптылардың есімі жақын арада аталады, деп хабарлайды Qazaq.today Ulysmedia.kz-ке сілтеме жасап.
Елордалық мектептегі ббала өлімінен кейін Қазақстанда спорттың құрал-жабдықтарға тексеру жүргізілмек. Бұл туралы Үкіметтің кулуарында оқу-ағарту министрі Ғани Бейсембаев мәлімдеді
«Тергеу жүргізілуде. Білім басқармасына кешеден бастап барлық мектептердің спорт алаңдарын тексеру тапсырылды. Астанада ғана емес, еліміздің барлық өңірлерінде спорт алаңдары мен жабдықтар тексеріледі», — деді министр.
Төтенше жағдайлар министрі Сырым Шәріпханов мектептерде ведомство өрт қауіпсіздігі желісі бойынша тексерулер жүргізіп жатқанын атап өтті. Министр мектептердің басшылығы қауіпсіздік техникасы бойынша күнделікті нұсқама жүргізуі қажет екенін айтты.
Естеріңізге сала кетейік, 7 тамыз күні кешке Астанада үстіне футбол қақпасы құлаған 10 жасар бала мерт болды. Оқиға №10 мектеп аумағында болған.
Баланың қайтыс болу фактісі бойынша Қазақстан Республикасы Қылмыстық кодексінің 306-бабы бойынша сотқа дейінгі тергеп-тексеру басталды.
Qazaq.today
