Негізгі мазмұнға өту
Сәрсенбі, 18 қараша 2026 $ 444,1↓€ 488,9↓₽ 5,38↓
  • Жарнама
  • Жоба туралы
  • СОҢҒЫ ЖАҢАЛЫҚ
    Алматыда бұрын бос жатқан аумақтардың орнына екі жаңа демалыс орны ашылды • Аян Өтепберген Испаниядағы халықаралық кинофестивальде үздік актер атанды • GITEX AI Kazakhstan 2027: өңірге құйылатын миллиардтаған инвестиция аясында жасанды интеллектіні кеңінен енгізуге серпін береді • Қазақстанда онлайн-платформалардың жауапкершілігін күшейтуге арналған жаңа шаралар ұсынылды • Бір жанкүйердің арманы: Мексикада Димаштың муралы қалай пайда болды • Жұлдызай Дүйсенбиева эфирде көзіне жас алды • Алматыда бұрын бос жатқан аумақтардың орнына екі жаңа демалыс орны ашылды • Аян Өтепберген Испаниядағы халықаралық кинофестивальде үздік актер атанды • GITEX AI Kazakhstan 2027: өңірге құйылатын миллиардтаған инвестиция аясында жасанды интеллектіні кеңінен енгізуге серпін береді • Қазақстанда онлайн-платформалардың жауапкершілігін күшейтуге арналған жаңа шаралар ұсынылды • Бір жанкүйердің арманы: Мексикада Димаштың муралы қалай пайда болды • Жұлдызай Дүйсенбиева эфирде көзіне жас алды •

    Алматыда бұрын бос жатқан аумақтардың орнына екі жаңа демалыс орны ашылды

    Алматыда бұрын бос жатқан аумақтардың орнына екі жаңа демалыс орны ашылды

    Алматының Түрксіб ауданында бұрын бос жатқан екі аумақ көркейтіліп, серуендеуге арналған жолы, жарықтандыру жүйесі мен жасыл желегі бар жаңа демалыс орындары ашылды. Бұл жобалар «Халық қатысатын бюджет» бағдарламасы аясында Жас Қанат және Жұлдыз-1 шағынаудандарында жүзеге асырылды. Бұл туралы аудан әкімдігінің өкілдері хабарлады.

    Жобалардың басты ерекшелігі – бұған дейін тұрғындардың демалуына арналмаған аумақтардың толыққанды қоғамдық кеңістікке айналуы. Бұрын бос жатқан жерлерде жүргіншілер жолы төселіп, жарықтандыру жүйесі орнатылды, көгалдандырылған аумақтар мен белсенді демалыс орындары жасалды.

    Ауқымды жұмыстар Жас Қанат шағынауданында жүргізілді. Мұнда 20 мың шаршы метрден астам аумақ көгалдандырылып, 6 мың шаршы метрге жуық жерге тротуар плиткасы төселді. Сонымен қатар асфальт жолдар мен резеңке жабындысы бар алаңдар жасалды.

    Тұрғындар үшін 53 жарық бағаны, сәндік жарық құрылымы, орындықтар, қоқыс жәшіктері мен шағын сәулет нысандары орнатылды. Бұдан бөлек, скейт-алаң, перголасы бар демалыс орны және автоматты суару жүйесі жабдықталды.

    Жұлдыз-1 шағынауданында бұрын бос жатқан жерге 950 шаршы метр тротуар плиткасы, 550 шаршы метр асфальт және 298 шаршы метр тартан жабындысы төселді. Жаңа көгалдың аумағы 2 530 шаршы метр. Жасыл желекті күтіп-баптау үшін автоматты суару жүйесі қарастырылған.

    Сондай-ақ аумақта жарықтандыру жүйесі орнатылып, пергола, орындықтар, қоқыс жәшіктері мен шағын сәулет нысандары қойылды.

    Жалпы, Түрксіб ауданында «Халық қатысатын бюджет» бағдарламасы аясында аула, сквер мен басқа да қоғамдық аумақты көркейтуге бағытталған 24 жоба мақұлданған.

    Мақаланы бағалаңыз 👇

    Ұқсас жаңалықтар

    Барлығы →