Жұлдызай Дүйсенбиева эфирде көзіне жас алды
Жұлдызай Дүйсенбиева радио эфирінде сұхбат кезінде эмоциясын тежей алмай, көзіне жас алды. Журналист Гүлмира Нәлібай әсерлі сәттің видеосын жариялады.
Сурет: kznews.kz
Журналист Гүлмира Нәлібай әрбір қонағымен сұхбаттасқанда оның шығармашылығына ғана емес, ішкі жан дүниесіне де үңілуге тырысады. Кейде әңгіме барысында күтпеген эмоциялық сәттер туып, қонақтар өткен өмірін еске алып, толқып жатады.
Бұл туралы Qazaqtoday.info сайты хабарлайды.
Әзіл әлеміндегі жарқын образдарымен танылған актриса Жұлдызай Дүйсенбиева сұхбат кезінде эмоциясын тежей алмай, көзіне жас алды. Радио эфирінде болған әсерлі сәттің видеосын журналист Гүлмира Нәлібай әлеуметтік желідегі парақшасында жариялады.
Алайда бұл жолы әзіл-қалжыңымен танылған Жұлдызай Дүйсенбиеваның көзіне жас алатынын журналистің өзі де күтпеген.
«Эфирге келген қонағымның жан дүниесіне терең үңілгім келеді. Сұхбат барысында толқытатын да, көзіне жас алатын да сәттер болады. Бірақ әзіл әлемінің ханшайымы Жұлдызай Дүйсенбаеваны жылатамын деп ойламаппын», – деп жазды Гүлмира Нәлібай.
Жарияланған видео көрермендердің назарын аударды. Көпшілік әзілкештің сахна сыртындағы болмысы мен сұхбат кезінде қандай тақырыпқа толқығанына қызығушылық танытуы мүмкін. Дегенмен журналист жазбасында актрисаның нақты қандай әңгімеге байланысты көзіне жас алғаны айтылмаған.
