Негізгі мазмұнға өту
Сейсенбі, 17 қараша 2026 $ 445,1↑€ 490,5↑₽ 5,39↑
  • Жарнама
  • Жоба туралы
  • СОҢҒЫ ЖАҢАЛЫҚ
    82 жастағы Энни Джудис секіргішпен секіруден Гиннесс рекордын орнатты • Вячеслав Быков Ресейдің жастар хоккей әлем чемпионатынан шеттетілуіне қатысты пікір білдірді • Толқын Забирова алғаш рет отбасы мен жолдасы туралы сыр шертті • Қазақстан Словакиямен 2:2 есебімен тең түсіп, Лига нацийдегі топта соңғы орында қалды • RAF: Саба Лазишвили 19 желтоқсанда Петтис пен Гарбрандт жеңімпазымен кездеседі • Amazon MGM Studios Роберт Паттинсонды жаңа Джеймс Бонд ретінде растады • 82 жастағы Энни Джудис секіргішпен секіруден Гиннесс рекордын орнатты • Вячеслав Быков Ресейдің жастар хоккей әлем чемпионатынан шеттетілуіне қатысты пікір білдірді • Толқын Забирова алғаш рет отбасы мен жолдасы туралы сыр шертті • Қазақстан Словакиямен 2:2 есебімен тең түсіп, Лига нацийдегі топта соңғы орында қалды • RAF: Саба Лазишвили 19 желтоқсанда Петтис пен Гарбрандт жеңімпазымен кездеседі • Amazon MGM Studios Роберт Паттинсонды жаңа Джеймс Бонд ретінде растады •

    82 жастағы Энни Джудис секіргішпен секіруден Гиннесс рекордын орнатты

    82 жастағы Энни Джудис секіргішпен секіруден ең егде әйел ретінде Гиннесс рекордын орнатты. Ол Аризонадағы Prickly Pear Open турнирінде 82 жас 139 күнінде өнер көрсетті.

    82 жастағы Энни Джудис секіргішпен секіруден Гиннесс рекордын орнатты

    Сурет: guinnessworldrecords.com

    АҚШ-та 82 жастағы Энни Джудис секіргішпен секіруден ұйымдастырылған жарысқа қатысқан ең егде жастағы әйел ретінде Гиннестің рекордтар кітабына енді.

    Бұл туралы Qazaqtoday.info сайты хабарлайды.

    Америкалық спортшы бұл рекордты Аризона штатының Тусон қаласында өткен Prickly Pear Open турнирінде тіркеген. Жарысқа қатысқан сәтте ол 82 жас 139 күнде болған. Осы нәтижесі арқылы Энни Джудис әйелдер арасында секіргішпен секіру жарысына қатысқан ең егде спортшы мәртебесін иеленіп, Гиннестің рекордтар кітабының арнайы сертификатын алды.

    Бір қызығы, Энни Джудис кәсіби спортпен жас кезінен айналыспаған. Ол спортқа егде жасында ден қойып, 70 жастан асқаннан кейін жаңа жетістіктерге ұмтыла бастаған.

    Энни Джудис 1943 жылы 23 қарашада АҚШ-та дүниеге келген. Оның өмір жолы спорттан емес, сұлулық байқаулары мен кино саласынан басталған. Жастайынан модельдік кәсіпке қызығушылық танытқан ол Miss Texas сұлулық байқауының сахнасына шыққан алғашқы афроамерикалық әйел ретінде тарихта қалған.

    1969 жылдың қазанында Энни Playboy журналының «Ай аруы» (Playmate of the Month) атанған алғашқы қара нәсілді модельдердің бірі болды. Кейін ол басылымның мұқабасына шыққан алғашқы афроамерикалық әйелдердің бірі ретінде де танылды.

    1970 жылдары Энни Джудис Джинни Белл (Jeannie Bell) есімімен кино саласында еңбек етті. Ол TNT Jackson фильмінде басты рөлді сомдаған. Сондай-ақ белгілі режиссер Мартин Скорсезенің «Зұлым көшелер» (Mean Streets) картинасында және басқа да фильмдерде өнер көрсетті.

    1986 жылы Энни кәсіпкер Гэри Карл Джудиске тұрмысқа шықты. Кейін шоу-бизнестен алыстап, уақытын отбасына арнаған.

    Мақаланы бағалаңыз 👇

    Ұқсас жаңалықтар

    Барлығы →