Қазақстанда алты криптобиржаға тыйым салынды
Астана халықаралық қаржы орталығының соты алты криптобиржаға лицензиясыз цифрлық активтермен қызмет көрсетуге және жарнамалауға тыйым салды.
Сурет: Pexels / DS stories
Астана халықаралық қаржы орталығының соты алты криптоплатформаға лицензиясыз цифрлық активтермен қызмет көрсетуге және жарнамалауға тыйым салды. Бұл шешім олардың сервистеріне Google Play және Apple App Store дүкендері арқылы қолжетімділікті шектеуді де көздейді.
Бұл туралы Qazaqtoday.info сайты хабарлайды.
Тыйым салынған операторлар қатарында BingX, Bitcoin.com, Huobi Global (HTX), BitMart, Coinbase және WEEX бар. Оларға АХҚО аясында тиісті лицензиясыз цифрлық активтерге қатысты қызметтерді ұсынуға, жарнамалауға, сондай-ақ мобильді қосымшаларды таратуға немесе оларға осындай қызметтерді көрсету үшін қолжетімділік беруге тыйым салынған.
