Сауд Арабиясында мешіттегі «аморальдық әрекет» үшін шетелдіктерді жазалады

Сауд Арабиясында 14 қазанда Меккеде Бангладеш азаматтары Назрул Ислам Абдул Басир мен Сити Ахтарға өлім жазасы орындалды. Олар мешітте «аморальдық әрекет» жасады деп айыпталған.

Бұл туралы Qazaqtoday.info сайты хабарлайды.

Нақты не істегендері хабарланбайды. Алайда The Daily Star басылымы Бангладештің дипломатиялық өкілдігіне сілтеме жасап, оларға зинақорлық айыбы тағылғанын жазады.

Еркек пен әйел жаңа үйленген жұп болмаған. Ситидің анасының айтуынша, әйелдің бұрынғы қатынасынан қызы бар. Әлеуметтік желілерде еркек оны сүйген немесе қолынан ұстаған деген сөздер тараған, бірақ бұған растау жоқ.

Назрулдың туыстары оларды жазалау туралы ескертілмегенін айтады. Олар бұл туралы бұқаралық ақпарат құралдарынан білген. Хабарлауға қарағанда, Бангладеш билігі де жазалау туралы білмеген. Қазір олар толық мәліметтерді анықтауға тырысуда.