Кристина Овчинникова Нагоядағы жеңіл атлетика жарысында күміс жүлде алды
Жапонияның Нагоя қаласындағы Мидзухо стадионында өткен жеңіл атлетика жарысында Кристина Овчинникова биіктікке секіруден күміс жүлде алды. Оның нәтижесі 1.87 метр.
Сурет: Спортты дамыту дирекциясы
Жапонияның Нагоя қаласындағы Мидзухо жеңіл атлетика стадионында өткен жарыста Қазақстан қоржыны тағы бір жүлдемен толықты.
Бұл туралы Qazaqtoday.info сайты хабарлайды.
Әйелдер арасында биіктікке секіру финалында отандасымыз Кристина Овчинникова 2-орынға тұрақтады. Оның нәтижесі — 1.87 метр.
Бұл бағдарламада Өзбекстан өкілі Барнохон Сайфуллаева жеңімпаз атанды (1.90 м). Үздік үштікті үндістандық Пуджа түйіндеді. Ұлттық құраманың тағы бір мүшесі Надежда Дубовицкая 5-сатыға жайғасты.
Бұған дейін ерлер арасында 5000 метрге жүгіру финалында отандасымыз Максим Фроловский 7-орыннан көрінді. Мәреге Бахрейн өкілі бірінші жетті. Жарыс қожайыны Томонори Ямагучи күміс, Гульвир Синх (Үндістан) қола медаль еншіледі.
