Қазгидромет 26 қыркүйекке ауа сапасы болжамын жариялады
«Қазгидромет» 26 қыркүйекте Алматыда, түнде Ақтөбе, Өскемен және Атырауда қолайсыз метеорологиялық жағдайлар күтілетінін хабарлады.
Сурет: istockphoto
«Қазгидромет» РМК еліміздегі ауа сапасына қатысты болжамын жариялады.
Бұл туралы Qazaqtoday.info сайты хабарлайды.
Хабарламаға сәйкес, 26 қыркүйекте Алматыда, түнде Ақтөбе, Өскемен және Атырау қалаларында қолайсыз метеорологиялық жағдайлар күтіледі.
Қолайсыз метеорологиялық жағдайлар дегеніміз – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Мұндай жағдайлар кезінде елдімекендердегі атмосфералық ауаның сапасы нашарлауы ықтимал.
