Рыбакина АҚШ ашық чемпионатының финалына шығып, әлем рейтингінің көшін бастайды

Фото: ҚТФ

Қазақстандық теннисші Елена Рыбакина 2026 жылғы АҚШ ашық чемпионатының жартылай финалында америкалық Коко Гауффты 3:6, 6:4, 6:4 есебімен жеңді. Әлемдік рейтингте екінші орында тұрған қазақстандық спортшы үшін бұл кездесу финал жолындағы шешуші сын болды, ал қарсыласы әлемнің төртінші ракеткасы ретінде кортқа шықты.

Бұл туралы Qazaqtoday.info сайты хабарлайды.

Теннисшілер хард кортында 2 сағат 8 минут өткізді. Осы уақыт ішінде Елена бес эйс жасап, екі қос қателікке жол берді және бес брейк-пойнттың үшеуін сәтті пайдаланды.

Осылайша, Рыбакина «Үлкен дулыға» турнирінің финалына жолдама алды. Шешуші кездесуде ол әлемнің бірінші ракеткасы, Беларусь өкілі Арина Соболенкоға қарсы ойнайды.

Сонымен қатар, қазақстандық теннисші әлемдік рейтингте бірінші орынға шығуды қамтамасыз етті. Финалдық матчтың нәтижесіне қарамастан, АҚШ ашық чемпионаты аяқталғаннан кейін ол әлемдік рейтингтің көшін бастайды. Әлемдік теннис қауымдастығы рейтингінің жаңартылған нұсқасы дүйсенбі, 14 қыркүйекте жарияланады.