«Екінші айға кетті»: Қарағандыда қазылған тротуар тұрғындардың ашуын туғызды

Фото: видеодан скрин

Қарағандыдағы Новонижняя көшесінің тұрғындары екі айдан бері аяқталмай тұрған қазба жұмыстарына шағымданды. Желіде тараған видеодан тротуардың бір бөлігі бұзылып, жаяу жүргіншілер жолының маңы қазылып қалғанын көруге болады.

Видео авторының сөзінше, көшедегі бұл жағдай осымен екінші айға созылған. Соның салдарынан тұрғындар, әсіресе балалар мен арбамен жүретін адамдар үшін тротуармен жүру қиындаған. Айта кетейік, өңірдегі көріктендіру талаптарына сәйкес, инженерлік жұмыстар кезінде бүлінген тротуар мен басқа да жабындарды қалпына келтіру міндеті жұмысқа тапсырыс берушіге жүктеледі. Әзірге Новонижняя көшесіндегі жұмыстың не себепті созылғаны және қашан толық аяқталатыны туралы ресми түсініктеме жарияланған жоқ.

Видео: @sergey.tereshchenko