Үндістанда екі қыздың анасын өлтірген күйеуі өмір бойына сотталды

Фото: freepik

Үндістанда ер адам екі қыздың анасы болған әйелін «ұл тумады» деген желеумен өлтіргені үшін өмір бойына бас бостандығынан айырылды.

Бұл туралы Qazaqtoday.info сайты хабарлайды.

Анұ Бансал күйеуі Манодж Бансалмен 2000 жылы отбасын құрған. Олардың екі қызы болды. Алайда күйеуі мен оның туыстары әйелден ұл бала сұраған. Сотта марқұмның қыз босанғаны үшін ұзақ уақыт бойы психологиялық және физикалық қысым көргені айтылды.

Бастапқыда полиция қылмыстық істі адам өлтіру фактісі бойынша тіркегенімен, кейін оқиғаны өзін-өзі өлтіру деп саралаған. Алайда Анұның қыздары істі қайта қарауды талап еткен. Нәтижесінде тергеу қайта басталып, сотта қыздары анасының өліміне қатысты маңызды айғақ берген.

Сот Манодж Бансалды әйелін «ұл тумағаны» үшін өлтіргені бойынша кінәлі деп танып, өмір бойына бас бостандығынан айыру жазасын тағайындады.