Қазақстан қор биржасында доллар бағамы 455,86 теңгеге жетті
Қазақстан қор биржасында доллар бағамы 455,86 теңгеге жетіп, 0,47 теңгеге өсті. Ұлттық банк ресми бағамы 455,4 теңге. Алматы, Астана, Шымкенттегі айырбас бағамдары туралы мәлімет.
Сурет: istockphoto.com
Қазақстан қор биржасындағы күндізгі сауда-саттық қорытындысы бойынша американдық доллардың орташа сараланған бағамы 455,86 теңгені құрады. Бұл алдыңғы көрсеткішпен салыстырғанда 0,47 теңгеге жоғары.
Бұл туралы Qazaqtoday.info сайты хабарлайды.
Қазақстан Ұлттық банкі 3 қыркүйекке ресми доллар бағамын 455,4 теңге деңгейінде белгіледі.
Kurs.kz деректеріне сүйенсек, қазіргі уақытта Алматыдағы айырбастау пункттерінде долларды сатып алудың орташа бағамы 456,38 теңге, ал сатудың орташа бағамы 458,37 теңге. Астанадағы айырбастау пункттерінде долларды орта есеппен 454 теңгеден сатып алып, 461 теңгеден сатады. Шымкентте долларды орта есеппен 456,88 теңгеден сатып алып, 458,98 теңгеден сатуда.
Еске сала кетейік, 26 тамыздағы күндізгі сауда-саттық қорытындысы бойынша доллардың орташа сараланған бағамы 0,66 теңгеге өскен еді. 27 тамызда ол 3,28 теңгеге, 28 тамызда 2,1 теңгеге қымбаттады. 31 тамызда бағам 2,23 теңгеге төмендесе, 1 қыркүйекте доллар 3,12 теңгеге арзандады, ал 2 қыркүйекте тағы 2,97 теңгеге төмендеді.
