Қазақстандағы алғашқы АЭС жобасына контракт жасалды
Владивостоктағы Шығыс экономикалық форумында Қазақстандағы алғашқы АЭС-ті жобалау және салу бойынша контрактқа қол қойылды. Жоба стратегиялық маңызға ие.
Сурет: Pexels / Sarowar Hussain
Владивостокта өтіп жатқан XI Шығыс экономикалық форумында Қазақстандағы алғашқы атом электр станциясын жобалау, жеткізу және салу бойынша келісімшартқа қол қойылды. Бұл туралы ҚР Атом энергиясы жөніндегі агенттігі мәлімдеді.
Бұл туралы Qazaqtoday.info сайты хабарлайды.
Құжатқа «Қазақстандық атом электр станциялары» ЖШС мен «Росатомның» еншілес кәсіпорны «Атомстройэкспорт» АҚ арасында қол қойылды.
Қол қою рәсіміне Атом энергиясы жөніндегі агенттік төрағасы Алмасадам Сәтқалиев пен «Росатом» мемлекеттік корпорациясының бас директоры Алексей Лихачёв қатысты.
АЭС жобасының іске асырылуы ел үшін стратегиялық маңызға ие екені атап өтілді. Экономиканың, өнеркәсіптің, инфрақұрылымның өсуі, цифрландыру мен жасанды интеллекттің дамуы аясында Қазақстанның сенімді және тұрақты электр энергиясына қажеттілігі біртіндеп арта түспек.
