Қарағандыдағы көпбейінді аурухана аумағында өрт болды
Қарағандыдағы көпбейінді аурухана аумағында қағаз қалдықтары өртеніп, 20 науқас эвакуацияланды. Өрт 25 шаршы метр аумақта сөндірілді, зардап шеккендер жоқ.
Сурет: newtimes.kz
Қарағанды қаласындағы көпбейінді аурухана аумағында өрт шықты. Төтенше жағдайлар министрлігінің мәліметінше, Қазыбек би ауданындағы Мұқанов көшесінде орналасқан аурухана аумағында қағаз қалдықтары өртенген.
Бұл туралы Qazaqtoday.info сайты хабарлайды.
От тез арада бес қабатты негізгі ғимаратқа қосылып салынған бір қабатты кіреберіс топтың шатырының ағаш құрылымына тараған. Сақтық шарасы ретінде 20 науқас көрші блокқа эвакуацияланды.
Өрт 25 шаршы метр аумақта толық сөндірілді. Тілсіз жаудың негізгі ғимаратқа және қосымша құрылыстарға тарауына жол берілмеді. Зардап шеккендер жоқ. Өрттің шығу себебі анықталып жатыр.
Бұған дейін Алматыда тұрғын үй кешенінде болған өрт салдарынан тұрғындар эвакуацияланған болатын.
