Ақтаулық ер адам 76 млн теңгелік заңсыз онлайн-казино ұйымдастырған
Ақтауда 76 млн теңгеден астам қаражат айналымы бар заңсыз онлайн-казино ұйымдастырған ер адам ұсталды. Қылмыстық іс қозғалды.
Фото: әлеуметтік желі
Ақтауда заңсыз онлайн-казино ұйымдастырған ер адам ұсталды. Оның айналымындағы қаражат көлемі 76 миллион теңгеден астамды құраған.
Бұл туралы Qazaqtoday.info сайты хабарлайды.
Құқық қорғау органдарының мәліметінше, күдікті интернетте құмар ойындар ұйымдастырып, оған қатысушылардан ақша қабылдаған. Заңсыз әрекеті үшін оған қылмыстық іс қозғалып, тергеу амалдары жүргізілуде.
