Атырауда 17 жастағы қызды зорлаған ер адамға қатысты іс тоқтатылды
Атырауда 17 жастағы қызды зорлаған ер адамға қатысты қылмыстық іс тоқтатылған. Жәбірленушінің айтуынша, ол тамыз айында арыз жазған, бірақ іс жабылған.
Фото: gov.kz
Атырауда 17 жастағы қызды жыныстық қатынасқа мәжбүрлеп, кейін жүкті еткен ер адамға қатысты іс бойынша дау туындады, деп хабарлайды Qazaqtoday.info сайты.
Жәбірленушінің айтуынша, ер адам оны жыныстық қатынасқа мәжбүрлеген. Кейін қыз өзінің жүкті екенін білген. Осыдан соң ер адам оған тұрмысқа шығуды ұсынған. Алайда сол уақытта оның әйелі және алты баласы болған.
«Ол маған физикалық күш көрсете бастады. Осындай жағдайлардың бірінен кейін полицияға арыз түсірдім. Алайда ер адамның әйелі кешірім сұрағаннан кейін арызымды кері қайтарып алдым», – дейді жәбірленуші.
Қыздың сөзінше, ол соңғы рет тамыз айында полицияға арыз жазған. Алайда кейін қылмыстық істің тоқтатылғанын білген.
Қазір жәбірленуші 18 жаста. Оның айтуынша, болған жағдайды осы уақытқа дейін отбасы мүшелерінен жасырып келген.
