Бір ай бұрын қазып тастаған: Қарағандыдағы Ерубаев көшесінің жөндеуі неге тоқтап қалды?

Фото: видеодан скрин

Қарағандыдағы Ерубаев көшесінің қазіргі жағдайына тұрғындар наразы. Шағымданған тұрғынның айтуынша, көшенің бір бөлігі шамамен бір ай бұрын қазылғанымен, соңғы екі аптада мұнда жұмысшылар да, арнайы техника да көрінбеген. Жөндеу жұмыстарының қашан қайта жалғасатыны белгісіз, ал қазылған аумақ сол күйі ашық жатыр, деп хабарлайды Qazaqtoday.info ақпарат порталы. 

Тұрғын «көшені қазып тастағанына бір ай болды, екі аптадан бері ешкім жоқ» деп, жауапты қызметтердің әрекетсіздігіне шағымданған. Қала әкімдігі мен жауапты мердігер тұрғындарға жұмыстың не себепті тоқтағанын және көшенің қашан қалпына келтірілетінін нақты түсіндіруі керек. Бір ай бойы қазылған көшені ретке келтірмеу – қаладағы жөндеу жұмыстарына бақылаудың қаншалықты әлсіз екенін көрсетеді.

Видео: 5news.kz