Халық Ақтөбе әуежайының алдындағы шұрық-тесік жолға наразы

Ақтөбе әуежайының автотұрағындағы жолдың жағдайы әлеуметтік желіде сынға қалды.

Желіде тараған видеодан асфальттың ойылып, бірнеше жері шұңқырға айналғанын көруге болады. Жазба авторы мұндай жол көлік қозғалысына кедергі келтіріп, апатты жағдай туғызуы мүмкін екенін айтып, полициядан жауапты мекемені анықтауды сұраған.

Бұл ретте Ақтөбе облысының әкімдігі өңірдегі автожолдардың 90 пайызы жақсы және қанағаттанарлық жағдайда екенін хабарлаған еді. Әуежай секілді қала қонақтары алғаш көретін нысанның маңындағы жолдың осындай күйде тұруы жергілікті биліктің жол сапасына бақылауы қаншалықты нәтижелі деген сұрақ туғызады. Енді жауапты мекемелер шұңқырды жамаумен ғана шектеле ме, әлде әуежай автотұрағының жолын толық ретке келтіре ме әзірге белгісіз.

Фото- видео: @aktobebaqlau